Endurkröfuvefur

Ef færsla kemur á kort sem korthafi telur af einhverjum ástæðum ekki eiga rétt á sér getur hann mögulega haft rétt til endurkröfu samkvæmt endurkröfureglum kortasamtaka.

Ef korthafi hefur ekki tekið þátt í færslunni að neinu leyti er hægt að láta reyna á endurkröfu. Í slíkum tilvikum þarf kortið að vera lokað varanlega.

Ef korthafi hefur athugasemd við færslu sem hann tók sjálfur þátt í ber korthafa að snúa sér fyrst til söluaðila til að fá leiðréttingu. Ef ekki gengur að leysa málið með söluaðila getur korthafi mögulega haft rétt til endurkröfu samkvæmt endurkröfureglum kortasamtaka.

Til þess að láta reyna á endurkröfu þarf korthafi að:

  1. Skrá sig inn með rafrænum skilríkjum
  2. Velja færslu sem hann vill gera athugasemd við og skýra á hvaða forsendum athugasemdin er gerð
  3. Setja inn viðeigandi gögn sem spurt verður um í ferlinu
  4. Staðfesta innsendingu
Mikilvægt er að vanda meðfylgjandi upplýsingar og gögn því þau geta ráðið úrslitum varðandi niðurstöðu máls og hversu hratt málið gengur í gegnum endurkröfuferlið. Mjög mikilvægt er að allar tiltækar upplýsingar og gögn varðandi málið komi strax fram.

Ef einhverjar spurningar vakna varðandi athugasemd við færslu er hægt að leita til þjónustufulltrúa bankans.